Ynskjer du å produsere eigen straum? Eller gjer du det allereie? Til tross for store variasjonar i vær og årstider i Norge, går det fint an å ha solcellepanel. Til gjengjeld produserast det 100 prosent fornybar energi – rett frå taket ditt. Om du ynskjer å redusere ditt karbonavtrykk, kan dette væra ein mogelegheit for deg.

Vi i Rauland Kraft kjøper overskottsstraumen din til ein god pris! Produserer du ikkje nok straum til eige forbruk, må du kjøpe det du treng av oss. Din nye AMS-målar registrerer automatisk kor mykje du sel og kor mykje du kjøper.

Likt med alle andre som omset straum i Norge, kjøper vi straum til spotpris frå Nord Pools straumbørs. Våre påslag for å forskottere straumen for deg er små, og vi er derfor svært konkurransedyktige.

For dykk som har eigenproduksjon av straum, har vi oppretta ein eigen tariff som vi kallar RK Sol. Tak gjerne kontakt med oss før du går i gang med ditt prosjekt. Det vil gi deg meir kunnskap om solcelleproduksjon og kan spare deg for en del ubehagelege overraskelsar.

Definisjonen på en plusskunde er en kunde med produksjon på inntil 100KW. Dei som eventuelt måtte produsere meir enn dette går under definisjonen produsent, og er konsesjonspliktig. For desse gjeld eigne reglar fastsett av Norges vassdrags- og energidirektorat(NVE). Tak kontakt for meir informasjon.