Rauland Kraft blir til Kraftriket

Rauland Kraft overfører straumkundane sine til Kraftriket. Det betyr at du som i dag er straumkunde hjå Rauland Kraft, blir kunde hjå Kraftriket frå og med 1. desember 2025.

Du treng ikkje gjera noko i samband med overgangen – alt skjer automatisk.

Som kunde i Kraftriket vil du oppleve den same gode kundeservicen som du kjenner frå Rauland Kraft. I tillegg får du gratis tilgang til Kraftriket-appen og fleire gode kundefordelar. Kraftriket er ein straumleverandør som legg vekt på det lokale og støttar mange idrettslag og foreiningar rundt om i landet. Ta gjerne ein kikk på nettsida til Kraftriket for å finne ut meir.

Klikk her for å lese den tidlegare pressemeldinga.

Nyttig informasjon i samband med overgangen

Straumavtale

Straumavtalen din blir den same som du har hos Rauland Kraft i dag, men avtalen din vil få nytt namn. Du vil få ein ordrebekreftelse frå Kraftriket etter overgangen. Du treng ikkje gjere noko i samband med dette.

Faktura

Fyrste faktura kjem fra Kraftriket i januar 2026. Du vil få straum og nett på ein faktura som før. Enkelte kundar kan få faktura i desember kun for nettleige.
Avtalegiro – du må opprette Avtalegiro på nytt mot Kraftriket etter 01.12.25. Du kan enkelt opprette Avtalegiro-avtale når du mottar første faktura
eFaktura – har du valgt «Ja takk til alle» i nettbanken din vil du automatisk få eFaktura hjå Kraftriket.

Har du bestilt Norgespris?

Overgangen til Kraftriket påverkar ikkje støtteordninga Norgespris, dersom du har bestilt den. Merk at Norgespris er ei statleg støtteordning, ikkje ein straumavtale. Du må framleis ha ein straumavtale i tillegg, slik du alltid har hatt. Du finn meir nyttig informasjon om Norgespris på nettsida til Kraftriket.

Betalingsvilkår

Når kundeforholdet blir overført til Kraftriket 1. desember, blir papirfakturagebyret redusert frå 10 kroner til 7,50 kroner, og betalingsfristen endra frå 14 til 10 dagar. Endring i betalingsvilkår gjeld ikkje for kundar med straumavtalen RK Fastpris avtalt mengde, -pris og vilkårsgaranti gjeld ut fastprisperioda for desse.

Full oversikt i Kraftriket-appen

Etter 1. desember får du full oversikt over straumavtalen og forbruk i Kraftriket-appen og på Min Side. Last ned appen frå App Store eller Google Play og logg inn med mobilnummeret ditt.

Meir informasjon

Du vil få meir informasjon frå Kraftriket når kundeforholdet er overført, heilt i starten av desember. Har du spørsmål før den tid, er du hjarteleg velkomen til å ta kontakt med oss i Rauland Kraft.